Ja, vid Helgi skelltum okkur i tveggja vikna ferd til Kritar. Vid komum hingad 21.juli, sidastlidinn laugardag og hofum haft thad alveg rosalega fint. Hitinn er reyndar adeins of mikill fyrir okkur en i gaer var heitasti dagurinn i langan tima her a Krit en tha for hitinn upp i  45 stiga hiti eda svo. Of heitt fyrir okkur, enda var ekkert gert allan daginn nema legid vid og ofan i sundlauginni. Vid nadum natturulega baedi sma bleikum og raudum lit a likamann, en Helga tokst einnig a solbrenna vel a oxlum..

Thetta er buid ad vera alveg frabaert, algjor leti og afsloppun og thannig atti thessi ferd ad vera. Vid erum buin ad skoda okkur agaetlega vel um, vid erum a hoteli sem er mjog fint en thad heitir Helios og thar er agaetis sundlaug og herbergin bara mjog fin. Loftraestingin er alveg ad bjarga okkur a herberginu, eg veit ekki hvernig folk kemst af an thess ad hafa loftraestingu a hotelherberginu. En hotelid okkar er nalgaegt strond, en vid erum enn ekki buin ad gerast svo fraeg ad fara nidur a strondina, thad er bara svo thaeginlegt ad vera vid sundlaugarbakkann ef madur vill vera i solbadi. Vid erum nalaegt borginni Chania og thad tekur okkur bara ca. 10min med straeto ad komast i midbaeinn thar. Einn daginn akvadum vid nu ad rolta heim a hotel fra midbaenum og thad munum vid ekki gera aftur!! Ekki ad thetta var thad slaemt en thar sem gangstettirnar eru yfirleitt ekki til stadar tha var thetta e.t.v. ekki snidugasta gonguleidin. En thad tok okkur taepa tvo tima ad labba tilbaka og vid vorum ansi threytt og sveitt thegar vid komumst loksins a hotelid. En a leidinni saum vid alveg frabaera bud sem vid akvadum ad kikja inn i. Thetta var frekar stor leikfangabud. Thad var nu lika haegt ad fa barnafot og ymislegt annad sem tengist heimilinu. Eg var alveg a utopnu tharna og versladi alveg fullt enda verdid tharna bara faranlegt. Eg keypti stimpla, liti, limmida og ymislegt annad sem eg mun nota i kennslunni (madur fer aldrei ur kennslukonuhlutverkinu nuna!!) og einnig keyptum vid nokkrar barnaafmaelisgjafir. Eg hefdi getad verslad miklu meira en vid verdum nu vist lika ad eiga plass fyrir thetta thegar vid forum tilbaka.

Midbaerinn i Chania er alveg yndislegur, fullt af litlum throngum gotum med litlum budum og svo eru fullt af veitingastodum a thessum gotum lika og sidan alveg hrugan af theim vid feneysku hofnina, en hun er her i Chania. Vid erum buin ad traeda thessar gotur upp og nidur og einnig hofum vid profad nokkra veitingastad herna nalaegt hofninni. Mjog gaman ad sitja herna a kvoldin og fa ser drykk og spjalla. Her er allt trodid af folki a kvoldin.

A morgun aetlum vid svo ad fra i ferd med ferdaskrifstofunni sem heitir Perlur Kritar. Thetta er dagsferd og a vist ad vera alveg frabaer. Eigum ad leggja af stad rumlega sjo thannig ad thad er eins gott ad fara snemma ad sofa til thess ad geta vaknad! Hofum verid dugleg vid ad sofa ut i vikunni thannig thetta verdur challenging!

Heyrumst og sjaumst fljotlega,
knus, knus.. 

Jæja, ég held að það sé kominn tími á nýja færslu. Það er svo langt síðan ég skrifaði að ég kann varla á þetta lengur en ég læt reyna á þaðJ

 

Af mér er allt þetta fína að frétta, er á fullu í að klára námsmatið fyrir nemendurna þar sem skólaárið er að ljúka. Það eru einungis 2 kennsludagar eftir og síðan eru nokkrir dagar í frágang og annað þannig að þetta fer alveg að verða búið. Síðasti vinnudagurinn minn er á mánudaginn eftir viku, eða 11.júní. Það verður svo gott að komast í smá frí. Þetta skólaár er búið að vera erfitt en samt sem áður mjög skemmtilegt og lærdómsríkt þannig að ég mun vonandi koma reynslunni ríkari næsta skólaár og með fullhlaðin batterí eftir sumarfríið.

 

Nemendurnir mínir eru alveg yndislegir, auðvitað eru samt gríslingar þarna inn á milli sem láta heyra ansi mikið í sér en þau hlusta nú yfirleitt á mig þannig að ég ætla nú ekki að kvarta mikið. En eins og flest ykkar vita þá geta þessi yngstu verið mjög einlæg og hreinskilin og ég lendi oft í því að þurfa að berjast við hláturinn því það sem þau spyrja og láta út úr sér er oft á tíðum ansi skrautlegt og skondið. Um daginn var ég að kenna nemendum lagið um Litlu fluguna og söng það náttúrulega fyrir þau. Eins og flest ykkar vita sem þekkja mig þá er söngurinn ekki mín sterkasta hlið en ég læt mig nú hafa það að syngja fyrir nemendurna kvæði og lög þegar ég er að kenna þeim þau. En þegar ég var búin að syngja Litlu fluguna þá rétti einn nemandinn upp hönd og spurði svo: Guðrún, á þetta að vera svona falsk??? Ég varð alveg orðlaus og ég held að ég hafi m.a.s. roðnað aðeins. Eftir smátíma gat ég nú útskýrt fyrir honum að þetta ætti nú ekki að vera alveg svona falskt en ég væri bara ekki betri söngkona en þetta þannig að þau þyrftu nú bara að reyna að gera betur en ég. Þá sagði hann: En, sko, þetta var alveg fallegt hjá þér, það koma bara svona aAaAaAa, svona upp og niður hljóð. Já, þarna fékk ég sko endanlega staðfestingu á því að ég get alls ekki sungið!!!! Ég er búin að hlægja mikið að þessu og mér finnst alveg frábært hve hreinskilin þau eru.

 

Helgi er bara hress eins og alltaf, hann er búinn að klára eitt ár í náminu og er kominn í sumarfrí frá því. En hann er enn á fullu að vinna og er ekki alveg búinn að ákveða hvenær hann ætlar að taka sumarfríið. En hann mun líklega taka vikufrí í júlí þar sem við ætlum að reyna að skella okkur til Frakklands að heimsækja Pálínu systur og Andrew. Strassborg er alveg yndisleg borg og það verður frábært að koma þangað aftur. Ég fór með mömmu síðasta sumar en Helgi hefur aldrei farið.

 

Jæja, ég læt þetta nægja í bili og ég reyni svo að skrifa aftur “fljótlega”.
Knús, knús
Guðrún Brynja

 

Já, við Helgi erum að fara að fá afhent í dag... voða gaman og mikill spenningur hjá minni. Er að reyna eins og ég get að hugsa sem minnst um þetta en lítið annað kemst bara að. Við áttum að fá afhent 1.des en við fáum með öllum líkindum afhent í kvöld. Annars er bara allt gott að frétta, við Helgi bæði á fullu að vinna og svo er hann líka á fullu í náminu. Ótrúlega duglegur eins og alltaf. En vinnan hjá mér gengur bara fínt og krakkarnir "mínir" eru alveg yndisleg. Mér finnst allavega ég búin að ná ágætlega til þeirra núna þannig að þau hlusta og hlýða mér í nánast einu og öllu Mér finnst ég mjög heppinn með samstarfskonur en við erum 3 sem kennum 3 bekkjum í 1.bekk. Þær eru alveg yndislegar og samstarfið okkar gengur alveg rosalega vel.. erum mjög duglegar að hvetja hvor aðra áfram og þegar við erum að skipuleggja og vinna að einhverju saman þá skemmtum við okkur alltaf rosa vel, oft mikill hlátur og mikið gaman Ekki verra að vera í slíkri vinnu! Jæja, ég ætla bara að hafa þetta stutt núna, ótrúlegt en satt en mér fannst ég bara verða að deila þessu með ykkur um ÍBÚÐINA fínu Heyrumst og sjáumst, knús, knús

Jæja, þá er ég búin að kenna í 2 vikur og þetta gengur bara nokkuð vel. Auðvitað er þetta mikil vinna enda skólinn enn í byggingu og mikið sem á eftir að gera. En þetta er voða gaman að geta tekið þátt í uppbyggingu skólans og hafa e.t.v. smá áhrif á skólastarfið í þessum skóla Mér líst mjög vel á þennan hóp sem vinnur með mér og ég er alveg viss um að þetta eigi eftir að verða skemmtilegur tími. Þessi skóli er opinn, þ.e.a.s. bekkir eru ekki í sér skólastofu heldur eru árgangarnir saman í einu opnu rými. Þetta er mjög ólíkt því sem maður er vanur og því tekur það smá tíma að venjast þessu öllu. En ég sé allavega fyrir mér að þegar við, samstarfskonur mínar í 1.bekk, verðum búnar að venjast þessu þá á þetta eftir að ganga mjög vel og þá getum við vonandi boðið upp á fjölbreyttari kennsluaðferðir og verkefni. Nemendahópurinn er fjölbreyttur og skemmtilegur, og ég er búin að fá mörg skemmtileg komment frá þessum dúllum.. einn guttinn vildi ólmur segja mér á fyrsta degi að ég væri mikil pæja og annar kallaði mig gullmolann sinn. Síðan eru skvísurnar alltaf að dáðst að síða hárinu og flottu peysunum sem ég kem í, ekki leiðinlegt að mæta í vinnuna og fá svona hrós En ég hef nú einnig fengið komment frá þeim um að ég væri nú smá frekja og dálítið ströng!

En annars er mest lítið að frétta af mér, bara á fullu í vinnunni og á fullu að leita að íbúð. Það styttist nefnilega í það að við þurfum að flytja héðan, einungis 3 vikur... púff, ekki langur tími!! Helgi er annars byrjaður í náminu og er bara nokkuð sáttur við það sem komið er en þetta á eftir að verða smá strembið með vinnunni en hann á eftir að standa sig vel í þessu öllu saman, enda svo klár, strákurinn

Jæja, ég læt þetta bara nægja í bili..
Knús, knús

Kannski kominn tími á "smá" skriftir hjá mér.. Einhver var að kvarta undan því hve löng þessi blogg mín eru... en ef þið þekkið mig þá á ég erfitt með að stytta mál mitt og mun örugglega ekki stytta þessi blogg mín mikið enda skrifa ég nú ekki oft og þess vegna kemur algjör langloka þegar ég loksins sest niður og skrifa eitthvað 

Um verslunarmannahelgina skelltum við okkur til London. Þetta  var fyrsta skiptið sem ég kem þangað og ég skemmti mér alveg konunglega. Við Helgi fórum með Áslaugu og Tomma og lögðum snemma af stað á fimmtudagsmorgninum, 3.ágúst, og komum ekki aftur fyrr en á þriðjudagskvöldið, 8.ágúst. Þessi ferð var nú ekki beint svona afslöppunar- og hvíldarferð því við vorum með þvílíkt prógramm frá morgni til kvölds. Við ætluðum sko að SKOÐA London. Við sáum og skoðuðum m.a. Big Ben, Madame Tussauds (vaxmyndasafnið), London Tower, London dungeon, London Eye (parísarhjólið), The British Museum, Hyde Park, The Aquarium, Buckingham Palice, Portobello (útimarkaður í Notting Hill), og við kíktum m.a.s. á sýningu á myndum eftir Dalí og Picasso. Og ekki má gleyma bíóferðinni miklu þar sem við sáum Miami Vice og ég verð bara að segja að þetta er án efa ein leiðinlegasta mynd sem ég hef séð! Einungis einn dagur var tekinn í verslunarleiðangur og við enduðum á því að gefast bara upp eftir hálfan dag en það var samt voða gaman að fara og versla aðeins á Oxford Street! Við hittum svo Elínu, vinkonu Helga og einnig Gunnhildi vinkonu en þær hafa báðar verið í námi þarna úti. Þessi ferð var alveg rosalega skemmtileg, mikið hlegið og mikið fjör þrátt fyrir lítið sem ekkert djamm á okkur. Reyndar byrjuðum við ekki svo vel þar sem við Helgi fengum ekki farangurinn fyrr en 2 dögum eftir að við komum.. en það reddaðist. Eftir þessa ferð tel ég mjög líklegt að ég muni koma aftur til London seinna meir

Nýja vinnan gengur bara mjög vel, við erum búin að vera í viku að skipuleggja og sitja á námskeiðum og annað slíkt. Á föstudaginn fyrir viku fór allur hópurinn, s.s. kennarar og starfsfólk í grunnskólanum og leikskólanum út úr bænum og vorum frá átta um morguninn og komum aftur í bæinn um hálf tólf um kvöldið. Þetta var fínn dagur, bæði fyrirlestrar og hópvinna og einnig var gefinn tími í að kynnast. Skemmtinefndin stóð svo fyrir mínigólf keppni og mín stóð sig bara mjög illa þar en skemmti sér vel En mér líst mjög vel á þennan hóp og hlakka mikið til að takast á við kennsluna þegar hún byrjar.

Pálína systir kom til landsins í byrjun ágúst og það er búið að vera rosa fínt að hafa hana hérna hjá okkur. Andrew kom líka stuttu seinna og í síðustu viku komu svo mamma hans, stjúpi, og bróðir. Þau eru í sumarbústaðnum eins og er og við mamma fórum að heimsækja þau á fimmtudagskvöldið. Þá eldaði mamma handa þeim íslenskt lambalæri og þau voru endalaust að dáðst af þessum mat enda mamma alveg snilldarkokkur. Þau fara svo heim á mánudaginn en Pálína og Andrew á þriðjudaginn. Og eins og alltaf verður erfitt að kveðja

Annar SH-hittingur var haldinn hér hjá okkur á miðvikudaginn.. höfum hist meira á síðastliðnum 3 vikum en í allt sumar! Núna voru Kristín og Maggi komin til landsins og var hittingurinn aðallega til þess að allir gætu hitt þau.. Auðvitað var svo horft saman á Rockstar, má ekki klikka á því En við hittumst svo flest öll aftur í gærkvöldi þar sem Kristín og Maggi héldu upp á þrítugsafmælin sín. Ég skemmti mér vel enda ekki annað hægt í partýum hjá þeim. Helgi komst því miður ekki með mér þar sem hann var veikur. Veikindin byrjuðu sem ælupest og hann fór því heim úr vinnu en síðan kom í ljós að þetta var nú aðeins meira en það eftir að heimilislæknirinn sem hann fór til kallaði á sjúkrabíl sem fór með hann á Landsspítalann. Eftir blóðprufu, rannsóknir og fleira var niðurstaðan vírus. Hann var víst svo slappur að hann fékk morfín og alles. Hann hélt engu niðri heldur og fékk því saltlausn í æð til þess að fá einhverja næringu. Ég fékk ekki að vita alla söguna fyrr en seint um kvöldið, vissi að hann væri á spítalanum í skoðun en hann vildi ekki að ég hefði áhyggjur og því bað hann mömmu sína, sem var með honum að segja sem minnst við mig um daginn. Enda hefði ég örugglega verið í smá kvíðakasti hérna heima og eflaust ekki farið í afmælið hefði ég vitað af öllu þessu fyrr. En hann kom heim seint í gærkvöldi og fékk sterk verkjalyf og svaf vel í nótt. Hann er náttúrulega frekar slappur enda mikil átök hjá honum í gær en er allur að koma til.

En jæja, þá læt ég þetta nægja í bili, margir eflaust búnir að gefast upp á þessari LANGLOKU minni en það er í góðu lagi.

heyrumst og sjáumst,
knús, knús,
Guðrún langlangloka

Ég, mamma og amma skruppum í sveitina á miðvikudaginn og gistum eina nótt. Það er alltaf jafn yndislegt að koma í sumarbústaðinn (Svalþúfa) og mér líður alltaf jafnvel þar. Við mamma erum búnar að fara áður í sumar og taka bústaðinn aðeins í gegn, það var kominn tími á smá breytingar hjá okkur Ömmu leist nú vel á þetta allt saman og skemmti sér vel þarna í sveitinni og hefur bara ekki sofið svona vel í langan tíma.
Þegar við erum í sveitinni fáum við nú yfirleitt einhverja góða gesti í heimsókn og fyrstu gestirnir okkar að þessu sinni voru María, vinkona mömmu og barnabarn hennar, hún Freyja sem er 3ja ára. Freyja litla var feimin í fyrstu en síðan fórum við að skoða allt dótið í litla húsinu og þá var hún fljótt komin á fullt í símaleik, lögguleik, barbieleik og fleira og fleira.. Við fórum s.s. með flest allt okkar gamla dót þarna upp í bústað og það vakti heldur betur lukku þennan daginn Stuttu eftir að þær fóru kom Dabba (tengdó) og Helgi og Þói létu líka sjá sig um kvöldmatarleytið. Strákarnir voru strax "settir" í að setja saman eitt stykki fataskáp og eina kommóðu. Þeir voru eldsnöggir að þessu og voru nánast búnir með þetta þegar grillkjötið var sett á borðið. Strákarnir héldu svo heim á leið saddir og sáttir, vona ég Og við mamma mjög ánægðar með skápinn og kommóðuna. Siggi var svo síðastur til að kíkja til okkar þar sem hann var að leika golf fram eftir öllu. Hann kíkti svo á sturtuklefann okkar fræga þar sem okkur langar svo að fara að koma honum í lag.. Við héldum svo heim á leið á fimmtudeginum eftir frábæra ferð.

Í gærkvöldi var svo smá SH-hittingur heima hjá mér. Davíð "Dani" er nýkominn til landsins og auðvitað lét hann sjá sig. Ómar, Dröfn, Heimir, Sigrún, Þorvarður, Margrét og Pétur létu líka sjá sig. Það var svo gaman að hittast, hef ekki séð sum þeirra í langan, langan tíma þannig að þetta var alveg frábært. Verðum að gera þetta oftar. Það er alveg sama hve langt líður á milli, við náum alltaf jafn vel saman, eða það finnst mér og auðvitað voru nokkrar skemmtilegar og e.t.v. nokkuð grófar sundsögur sagðar og mikið hlegið eins og alltaf þegar þessi hópur kemur saman. Reyndar vantaði því miður nokkra í hópinn þar sem þeir búa erlendis og nokkrir voru uppteknir. Við verðum svo að fara að hafa eitthvað svona árlegt hjá þessum hópi.. Við Þorvarður byrjuðum vel þegar við skipulögðum RAUÐA partý-ið góða  hér um árið en við klikkuðum á því að endurtaka það ári síðar!! ég er alveg til í að skipuleggja annað slíkt partý en vantar annan með mér þannig ef einhver í þessum hópi býður sig fram þá endilega látið mig vita

Í dag eru einungis 14 dagar þar til ég fer að vinna í Hraunvallaskóla, ótrúlegt hve tíminn er fljótur að líða. En ég er bara orðin nokkuð spennt og hlakka bara til að byrja þarna.. reyndar smá kvíðin líka en það er vonandi bara normalt

Bið að heilsa í bili,
knús, knús

Helgin að baki og það er bara búið að vera brjálað að gera hjá okkur.. Innflutningspartý hjá Jóhönnu og Alberti, bíóferð á Over the Hegde, fimmtugsafmæli (20 og 30 ára) í Keflavík hjá frænda Helga og kærustu og barnaafmæli Lovísu (4 ára) og Nínu (2 ára). Við skemmtum okkur alveg konunglega í öllum þessum veislum og erum sátt og södd eftir velheppnaða helgi.
Við þekktum nú fáa í þessu fimmtugsafmæli nema þá nokkra ættingja og foreldrana en Tommi og Áslaug voru einnig á staðnum þar sem þeir Tommi og Pálmi, afmælis"barnið" þekkjast. En fyrir veisluna þá hringdi Áslaug í Helga og lét hann vita að það væri víst hvítt þema í þessari veislu þannig að við Helgi þurftum náttúrulega að róta aðeins betur í fataskápunum og finna eitthvað hvítt og fínt Eftir þessa löngu ferð til Keflavíkur hittum við Áslaugu og Tomma og fengum okkur í svanginn áður en við fórum í veisluna. Nokkuð skondið að sjá okkur öll í hvítu við sama borðið á veitingahúsinu og engann annan en við vorum nú viss um að falla vel í kramið þegar í veisluna væri komið. En annað kom á daginn, við mættum á staðinn og sá fyrsti sem við sáum var afmælis"barnið", þessi þrítugi, og hann var ekki nálægt því að vera í hvítu... Þá var þetta eintómur misskilningur, vinirnir ætluðu víst bara að plata einn vininn þar sem hann á alveg hvít jakkaföt og vildu endilega sjá hann í þeim og vera sá eini í hvítu.. En sá strákur talaði við tvo aðra og þannig frétti Tommi af þessu og þar af leiðandi við. Þannig að við vorum þarna nokkur í hvítu og hálf skömmustuleg að hafa fallið fyrir þessu En við Helgi sluppum samt vel, eigum ekki alveg heil hvít dress þannig að vorum í litum líka... enda hvíti liturinn ekki svo áberandi litur en hvítu jakkafötin og skórnir í stíl voru mjög eftirtektaverð..

Næsta helgi er líka nokkuð vel skipulögð, erum að fara í útilegu sem er búin að fá titilinn STOKKÍS En í þessari ferð verða sem sagt krakkarnir sem við Helgi kynntumst úti í Svíþjóð. Á laugardeginum erum við að fara í brúðkaup til Laufeyjar og Odds.. þannig að næsta helgi verður eintómt stuð líka strax farin að hlakka til beggja þessara atburða

En jæja, þangað til næst,
knús, knús...

Ég held að sumarið ætli bara loksins að fara að láta sjá sig hér á klakanum. Ég ætla rétt að vona það, enda búið að vera nógu mikið af rigningardögum og kulda hér á landi síðastliðna mánuði. Ég á nú kannski ekki að kvarta mikið þar sem ég er búin að fara til útlanda í sól og hita í hverjum af svokölluðum sumarmánuðunum, en samt finnst mér alveg við Íslendingar eiga skilið að fá smá sól hingað á klakanum.

Restin af Danmerkurferðinni var alveg eins frábær og fyrri hlutinn. Það var æðislegt að fá Pálínu systur til okkar en mikið var það nú erfitt að kveðja hana aftur 3 dögum seinna. En við nýttum nú dagana vel og fórum oft á Strikið, við mamma fórum á hverjum degi þangað nema 1sinni, greinilega "inn" staðurinn okkar Okkur var svo boðið í mat til frændfólks okkar sem búa rétt fyrir utan Roskilde og það var alveg yndislegt að koma þangað. Áttum þar frábæra kvöldstund og skemmtum okkur alveg konunglega með þeim. Á endanum vorum við svo keyrðar alla leið heim, þau tóku það nú ekki í mál að við færum að taka lest tilbaka! Takk aftur kærlega fyrir okkur, Guðrún og Víkingur
Eins og ég sagði síðast þá var það á planinu að hitta einnig Davíð og Herdísi og fjölskyldu og það gekk allt saman eftir. Við mamma borðuðum hádegismat með Herdísi og co. og fengum okkur svo kaffisopa með Davíð einn eftirmiðdaginn.
Við mamma ákváðum að fyrst við vorum nú í Köben þá væri ekki annað hægt en að skoða hafmeyjuna góðu. Eftir smá út-úr-dúr með strætó fundum við þessa elsku og auðvitað voru teknar myndir af skvísunni miklu og ég fékk að vera inn á sumum þeirra
En í alla staði var þetta alveg yndisleg ferð og vonandi getum við farið aftur næsta sumar eða jafnvel fyrr.

Þegar heim kom þá tók bara hjúkrunarstarfið við þar sem Helga tókst að misstíga sig alveg hrikalega í bandý-tíma og var allur blár og marinn frá táslunum og upp að miðjum kálfa. Hann notaði hækju fyrstu dagana eftir þetta en nennti því nú ekki lengi. Rúmri viku eftir þessi meiðsli er hann enn frekar haltur og aumur en þetta hlýtur að fara að hjaðna hjá honum.

En jæja, orðið alltof langt eins og vanalega... þannig að ég bið bara að heilsa öllum í bili..
knús, knús..

Jebb, mín er barasta stödd í Köben, ekki slæmt. Við mamma komum hingað síðastliðinn miðvikudag og verðum fram á næsta fimmtudag. Pálína systir kom svo til okkar í gær og verður í 3 daga. Þetta er búið að vera alveg æðislegt, ekki slæmt veður, við vorum að kafna úr hita fyrstu 2 dagana enda fór hitinn upp í 30 stig í skugga.. svolítið mikið fyrir Íslendingana, en við vorum samt ekkert að kvarta Við fengum lánaða íbúð sem er í úthverfi Kaupmannahafnar og höfum það ofboðslega nice hérna, getum sólað okkur úti á svölum bæði kvölds og morgna. En það er búið að vera þétt dagskrá því auðvitað verður maður að gera ráðstafanir og reyna að hitta vinina sem búa hérna í Danaveldi. Næ nú því miður ekki að hitta alveg alla en ég bæti það upp þegar ég kem næst, sem verður í október Já, mín er ekkert búin með kvótann fyrir ferðalög á þessu ári, þeim bara fjölgar!!
Fyrsta fólkið sem við mamma hittum voru Halldóra og Aurilia. Þær voru hressar og kátar eins og alltaf. Við fórum saman  upp og niður Strikið og kíktum í nokkrar búðir og síðan var borðaður hádegismatur við Nýhöfnina. Á föstudaginn fór ég í heimsókn til Kristínar og Magga sem búa "aðeins" fyrir utan borgina en það var nú alveg þess virði að sitja í lestinni í 3 tíma hvora leið til að hitta þau. Mamma fór nú ekki með í þessa ferð enda var nóg að gera hjá henni líka að hitta vini og vandamenn. Þrátt fyrir að hafa klúðrað því að fara inn í réttan vagn og sitja í nokkrum mismunandi sætum á leiðinni (þar á meðal fyrir utan klósettið) þá komst ég samt á leiðarenda og Kristín beið þar eftir mér. Við áttum svo þvílíkt kósý kvöld í yndislega "dúkkuhúsinu" þeirra, og sátum m.a.s. úti í garði hjá þeim til að verða eitt, ekki leiðinlegt að geta það! Takk aftur fyrir mig, Kristín og Maggi Pálína kom svo í gærkvöldi, en hún var búin að vera í Georgíu vegna vinnu í viku og var því mjög þreytt eftir mikið ferðalag og því var ekkert farið út um kvöldið(nema út á svalir, of course!). Í dag var aftur rölt um á Strikinu (hvar annars staðar??) og síðan skelltum við okkur í TÍVOLI. Reyndar var ekki farið í tækin að þessu sinni en við horfðum á flest öll þeirra, er það ekki alveg nóg? Úff, mér var nú bara flökurt að horfa á sum tækin þarna, ótrúlegt að fólk lætur hafa sig út í þetta.. ég skil alveg turninn og rússíbana en þessi tæki sem bara snúast og snúast í hringi, upp og niður og alles, púff, ég myndi bara kasta upp.. Ég gat farið í öll tæki hér áður fyrr en núna myndi ég sko ekki ráða við helminginn, er þetta aldurinn eða..?? það er spurning!! En við systurnar ákváðum að skella okkur í "kappreiðar" í einum básnum og það var heldur betur fjör. Það eru ca. 10 keppendur og hver fær 2 bolta sem þáttakendur nota til að hitta í holurnar sem eru fyrir framan hvern og einn. Holurnar gefa 1, 2, eða 3 stig og þegar þú hittir ofan í eina holu fer hesturinn þinn áfram um 1, 2 eða 3 "skref". Við spiluðum tvo leiki og í fyrri leiknum voru það við og ca. 7 börn sem voru 10 ára eða yngri og ein önnur kona, frekar óþæginlegt, ætluðum nú að gefa þá bara okkar verðlaun ef önnur okkar myndi vinna, en viti menn, við unnum ekki! En í seinni leiknum þá komu nú nokkrir töffara sem ætluðu greinilega að taka þetta en þá var sko keppnisskapið komið í mína og þegar flautað var til leiks var ekkert nema einbeitingin og hvatningarorð mömmu sem komust að hjá mér!!! Og viti menn, ég vann þessa fínu lyklakippu sem gefur frá sér smá skvík hljóð þegar maður kreistir hana... ótrúlega flott Mamma var orðin svo spennt að hún hoppaði upp og fagnaði þegar hesturinn minn var fyrstur í mark, þið getið rétt ímyndað ykkur hve mikið við mæðgurnar hlógum saman eftir þessar skemmtilegu "kappreiðar".
Á morgun er svo á planinu að fara í heimsókn til frændfólks okkar sem býr rétt fyrir utan Köben og á þriðjudaginn hitti ég vonandi Davíð og á miðvikudaginn er það Herdís og fjölskylda. Svo er það bara heim á fimmtudaginn. En jæja, vildi bara láta ykkur að þetta væri nú ekkert eintómt frí hérna, sko, það tekur á að ferðast og hitta fólk og vinna lyklakippur í kappreiðum.. 

Heyrumst og sjáumst sem fyrst,
knús, knús..

Hér hefst sagan um Frakklandsferðina miklu
Haldið var af stað snemma að morgni 7.júní. Helgi skutlaði okkur út á völl um 6 leytið og vorum við mamma í góðum gír í fríhöfninni fram að fluginu okkar. Við millilentum í París áður en við komumst á leiðarenda, sem var borgin Strassborg. Við mamma vorum svo ótrúlega heppnar að lenda í smá hitabylgju (allavega að mínu mati 30-35stiga hiti) þarna úti í Frakklandi því viku fyrir komu okkar var eingöngu rigning og aftur rigning.
Andrew sótti okkur út á völl og svo voru það heldur betur fagnaðarfundir þegar við hittum Pálínu, elsku bestu systur mína. Ég hafði aldrei komið í íbúðina þeirra í Strass áður og var heldur betur spennt yfir því að sjá þetta allt hjá þeim. Við byrjuðum auðvitað á tröppunum, við erum sko ekki að tala um nokkrar tröppur heldur 90 talsins, hvorki fleiri né FÆRRI Þar kom fljótt í ljós að ég var ekki í neinu formi enda alltaf lafmóð þegar ég loksins komst upp í íbúðina. En þetta var ágætis æfing og á síðasta degi var ég nánast farin að hlaupa þetta upp og niður Íbúðin þeirra er ótrúlega flott, á tveimur hæðum og allt svo fínt og flott hjá þeim.
Daginn eftir að við komum vorum við bara í Strass að slæpast og skoða borgina. Um kvöldið var svo farið út að borða á mjög fínan stað þar sem hægt var að smakka alls kyns mat, m.a. ostrur sem við systurnar fengum okkur og þær voru nú alls ekki slæmar. Einnig smakkaði ég hráan túnfisk í fyrsta skiptið og hann var mjög góður.
Á föstudeginum fórum við mæðgurnar í "sveitaferð". Fórum snemma af stað því við ætluðum að keyra til Dijon (sinneps-bærinn) og gista þar. Keyrslan var um 4 tímar, drógst kannski aðeins þar sem ég varð skemmtilega bílveik á miðri leið. En við komumst til Dijon á góðum tíma og náðum að skoða borgina nokkuð vel. Kíktum m.a.s. í nokkrar búðir og keyptum fullt af sinnepi í alls kyns litum. Þessi borg er mjög falleg og skemmtileg og nutum við þess að vera þarna. 
Á laugardeginum héldum við svo aftur af stað og núna var stefnt á borgina Beaune. Á leiðinni þangað keyrðum við í gegnum fjöldann allan af vínekrum og vá vá vá þetta var svo ótrúlega fallegt allt saman, engin furða að mörg góð vín koma frá Burgundy héraðinu. Við stoppuðum í stuttu stund í Beaune því við áttum eftir að finna staðinn sem við ætluðum að gista á. Pálína systir var búin að panta herbergi fyrir okkur á litlu bed and breakfast rétt fyrir utan Beaune. En leitin að þessum stað ætlaði aldrei að taka enda, en þetta tókst á endanum. Maður verður nú að lenda í smá ævintýrum á svona ferðalagi, ekki satt? En eftir nokkra hringi í bænum Pommard fundum við mann sem þekkti nafnið á þessu bed and breakfast og lýsti leiðinni þangað. Við mæðgurnar héldum þá af stað til bæjarins Nantoux þar sem svefnstaðurinn okkar átti að vera. Þessi bær var með ca. 20 húsum, og þá er ég ekki að grínast þannig að þetta var allt saman voða lítið og skrítið en mjög fallegt og frábært. Við sáum að það var alveg þess virði að lenda í smá ævintýrum á leiðinni því þessi staður var alveg yndislegur. Við fengum herbergi sem var á tveimur hæðum og út um gluggana var bara endalausar vínekrur, sundlaug og hindberjatré.. ekki slæmt. Við skelltum okkur í smá sólbað áður en við fórum út að borða. En um kvöldið fórum við s.s. út að borða á eina veitingastaðnum þarna í nágrenninu og þurftum við að keyra á einbreiðum veg alla leiðina, bæði þangað og til baka. Eg veit ekki hvernig þetta hefði farið ef við hefðum mætt bíl, við hefðum lent út á vínekrunum sjálfum..
Á sunnudeginum þurftum við að halda heim á leið, til Strass. En við ákváðum nú samt að stoppa í nokkrum litlum bæjum í héraðinu áður en haldið var út á hraðbrautina. Ég get ekki sagt annað en að Burgandy héraðið í Frakklandi er ótrúlega fallegt og við mæðgurnar vorum að vonum sáttar við þessa ferð.
En ekki er hægt að segja annað en að pabba var sárt saknað í þessari ferð og við töluðum mikið um hann og ég vil trúa því að hann hafi verið þarna með okkur. Það var frekar skrítið að ferðast saman án hans því fjölskyldan hefur farið í nokkuð margar skemmtilegar ferðir saman í gegnum árin og því hálf tómlegt án hans. En hann fylgist með okkur og ég er viss um að hann hafi verið ánægður með þessa ferð okkar. 
Á mánudeginum fór Pálína í vinnuna en við mamma spókuðum okkur í Strass og auðvitað var kíkt í nokkrar búðir í leiðinni. Um kvöldið fórum við svo þrjár út að borða, Andrew var farinn í vinnuferð þannig að hann komst ekki með. Við fórum á frábæran veitingastað og sátum m.a.s. úti og fengum alveg dýrindismat. Ég pantaði mér snigla í forrétt í fyrsta skiptið. Ég hef nú einu sinni smakkað snigla hjá Helga en núna ákvað ég að fá mér mina eigin Þeir voru alveg ótrúlega góðir, fyrir nokkrum árum hefði ég ekki séð fyrir mér að ég myndi borða snigla en Helgi hefur sannfært mig um að smakka alveg ótrúlega hluti, m.a. snigla og ég sé sko ekki eftir því
Þriðjudagurinn var síðasti dagurinn okkar mömmu, við áttum ekki flug fyrr en seint þannig að við náðum að nota daginn í Strass. Pálína tók sér frí eftir hádegi og gat verið með okkur að sólast aðeins fram eftir degi. Það var alveg hrikalega erfitt að kveðja Pálínu systur og við mamma hefðum nú báðar verið til í að vera lengur. En þá er bara að líta á jákvæðu hliðarnar, við hittumst aftur í byrjun júlí í Köben og svo á Íslandi í ágúst. Heimleiðin gekk svona ágætlega. Við mamma vorum búnar að sjá að þetta yrði nú dálítið tæpt því við áttum bara að hafa 2 tíma frá því við lentum í París þar til okkar flug til Íslands færi í loftið og við þurftum að skipta um terminal-a á þessum tíma. Þegar við komum út í flugvél í Strass fengum við að heyra að það yrði hálftíma til 45 mín seinkun vegna anna á flugvellinum í París (sem skapaðist víst vegna veður, það var stormur og flugvélar áttu í erfiðleikum með að lenda - hljómar vel!!!). Við mamma vorum farnar að hallast að því að við myndum missa af fluginu og þurfa að gista í París og standa í endalausu vesen við að redda nýju fari og slíkt. En við ákváðum nú samt að reyna og þegar við lentum í París var tekinn spretturinn og við náðum þessu á tíma.. en þá fengum við að heyra að Icelandair vélin var líka sein þannig að spretturinn okkar góði var eiginlega til einskins nema kannski góð æfing fyrir okkur báðar Helgi kom og sótti okkur og keyrðu þreyttu en ángæðu mæðgurnar heim.
En þá er ferðasögunni um Frakklandsferðina lokið.. Frekar löng en það var bara svo ótrúlega gaman að ég gat ekki stytt þetta á neinn hátt Takk aftur fyrir mig elsku Pálína mín og Andrew. Þetta var alveg yndisleg ferð í alla staði.  

Knús, knús

Ég er alveg hrikalega löt við að skrifa, það er eiginlega bara best að ég lofi engu, skrifa bara þegar ég get og nenni... hljómar það ekki bara vel?

En já, ég og Helgi erum s.s. komin heim frá Stokkhólmi og vel það, komum heim fyrir viku síðan. Það var alveg yndislegt að koma aftur til Stokkhólms og þá sérstaklega á Sturevagen þar sem við bjuggum.. og auðvitað fengum við að gista hjá frábæra fólkinu sem býr þar núna og þau tóku sko heldur betur vel á móti okkur.

Útskriftarhátíðin var ofboðslega hátíðleg og flott og var hún haldin í Stadtshuset í Stokkhólmi. Ég og Lilja, amma Helga, vorum mættar tæpum klukkutíma áður en húsið var opnað en við vorum samt ekki fyrstar. Helgi átti að mæta 3 tímum áður því það var æfing á undan svo að allt færi nú vel fram. Hátíðin sjálf átti að standa yfir í 2 tíma og þeir stóðu við það, fóru reyndar heilum 3 mínútum yfir eða eitthvað svoleiðis þannig að þetta var allt saman ótrúlega nákvæmt og vel skipulagt. Kórinn söng nokkur lög og það var ekkert smá fallegt hjá þeim, ég var allavega með gæsahúð og alles þegar ég hlustaði á þau. Eftir athöfnina þá fóru flest allir í hátíðarsalinn sem er á efri hæðinni en sá salur er kallaður gyllti salurinn og stendur hann vel undir því nafni. Þarna fer víst alltaf kvöldverður fram eftir nóbelsverðlaunahátíðina þannig að maður er búinn að prófa að borða á sama stað og fallega og gáfaða fólkið Við fengum fína þriggja rétta máltíð og áttum bara ótrúlega góða stund með ókunnugu fólki sem sat á borðinu okkar.. en við vorum fljót að breyta því yfir í hina ágætustu kunningja með miklu spjalli og kátínu. En já Helgi fékk s.s. þetta fína skjal sem stendur á DIPLOMA og það var nú ekki merkilegra en það að við hefðum jafnvel getað prentað þetta út sjálf en samt það er víst ekki skjalið sem hann var beint að sækjast eftir til að fá því hann fékk gráðuna í desember, þetta var nú meira um að upplifa stemninguna að vera þarna á þessari hátíð og gaman að geta tekið þátt í útskriftinni. Eftir matinn var svo boðið upp á smá dansleik og við Helgi skelltum okkur á gólfið og dönsuðum við alveg eitt og hálft lag… ótrúlega dugleg. En síðan héldum við heim á leið enda öll orðin þreytt og lúin eftir langan en skemmtilegan dag.

Við áttum svo frábæra stund með vinum okkur í Sturevagen og fleirum sem búa þarna í Stokkhólmi og auðvitað var haldið þetta þvílíka partý - þetta hús klikkar aldrei þegar partý er annars vegar. Endaði m.a.s. með smá valhoppi um hverfið hjá nokkrum skvísum og ferð í bakaríið um fimm leytið þar sem bakarinn var svo góður að hleypa okkur inn og selja okkur nokkrar af hinum frægu kanel-bollum sem eru hið mesta lostæti

Við náðum svo að kíkja á vini okkur, Ragga og Heiðrúnu og litlu prinsessuna þeirra, Helenu, áður en við fórum aftur heim. Litla skvísan þeirra er svo yndisleg og við skiptumst á að halda á henni á meðan við vorum þarna en hún kippti sér nú ekkert upp við það, svaf bara allan tímann. Algjör engill

 

Á laugardaginn var eftir að við komum heim þá héldum við smá veislu fyrir Helga og heppnaðist það bara ótrúlega vel. Við vorum með ættingja og nokkra vini um daginn en síðan var partý um kvöldið. Við þurftum nú ekki að hafa alltof mikið fyrir þessum veislum því mömmur okkar og amma Helga sáu nánast um þetta fyrir okkur, þær bökuðum og hjálpuðu okkur með þetta allt saman. En þessi dagur var alveg frábær og þökkum við bara öllum fyrir sem mættu til okkur fyrir yndislegan dag og kvöld. Partýið endaði náttúrulega í bænum en þar sem við fórum frekar seint af stað þá stoppuðum við ekki lengi þar því allt lokaði klukkan þrjú. En það var fínt því þá vorum við komin heim á ágætum tíma.. Mín fékk sér e.t.v. aðeins of mikið af víni og því var sunnudagurinn ekki sá auðveldasti, en það létti til eftir því sem leið á daginn
Á föstudagskvöldið fengum við næturgest til okkur. Bjarni, litli bróðir Helga, kom og gisti hjá okkur, en hann er 4 ára gamall og er algjört yndi. Þessi pössunardagur og kvöld var bara hin mesta skemmtun, enda er þessi litli kútur ótrúlega hress og skemmtilegur og kemur með alveg snilldar setningar inn á milli, alltaf gaman að hlusta á þessar litlu dúllur velta fyrir sér ýmsum hlutum í sambandi við lífið og tilveruna. En við Helgi fengum s.s. að upplifa það að hafa lítinn snáða að kúra á milli okkar og það var sko ævintýri út af fyrir sig. Við sofum nú alltaf með eina sæng saman og ætluðum bara að halda því áfram en því var nú fljótt breytt þar sem litli kútur var nú engan veginn að samþykkja það í svefni sínum.. var duglegur að snúa sér, sparka af sér sænginni og hreyfa sig út um allt. Við Helgi tókum nokkur hlátursköstin því það var svo gaman að fylgjast með honum. En þetta var hin besta æfing fyrir okkur, hvenær svo sem það kemur að því að við upplifum þetta allt saman sjálf. En þangað til getum við allavega fengið þennan litla prinsinn lánaðan svona annað slagið J

 

 

En jæja, þetta er orðið alltof langt hjá mér, ætli ég skrifi nokkuð fyrr en ég kem heim frá Strassborg, við mamma erum að fara þangað núna á miðvikudaginn.. það er sko lúxus á mér þessa dagana, utanlandsferðir bara í hverri viku eða svo.. En við erum að fara að heimsækja Pálínu systur og Andrew. Ég hlakka svo til að hitta þau og sjá fínu íbúðina þeirra..

Bless í bili,
knús, knús til ykkar allra..

Já, núna styttist heldur betur í það að við Helgi förum aftur til Stokkhólms.. einungis 2 dagar... gaman gaman Það verður alveg frábært að sjá alla aftur sem enn eru að læra þarna úti og svo er það útskriftarhátíðin hans Helga sem verður nú ábyggilega alveg stórglæsileg. Ekkert annað hægt að gera en að hugsa um þetta allt saman með tilhlökkun

Júróvision dagar að baka og var þetta allt saman bara hin hreinasta skemmtun. Auðvitað var leiðinlegt að Ísland kæmist ekki áfram en ég hugsa að við eigum nú alltaf eftir að eiga mjög erfitt með að komast upp úr undanúrslitunum, en í ár var allavega mikið tekið eftir fulltrúum Íslands, þótt dæma megi um hvort sú eftirtekt var góð eða slæm En mér fannst hún Silvía Night standa sig bara nokkuð vel á sviðinu, var reyndar nokkuð hás og móð, fannst mér, en hún náði nú alveg að koma laginu og skemmtuninni vel frá sér. Ég hef alltaf skemmt mér vel á Júróvision kvöldum og í ár var það engin undantekning. Á fimmtudeginum fengum við nokkra vini til okkar og það var pöntuð pizza og hlegið saman yfir keppninni, enda aðalatriðið er að skemmta sér vel yfir þessu öllu saman, ekki satt? Síðan vorum við boðin í nokkur partý í gær og náðum að komast í þrjú, eða eiginlega fjögur því ég endaði í afmælisveislu en Helgi í einu af júróvísionpartýunum sem við vorum boðið í. Sem sagt, heldur betur busy night hjá okkur, erum náttúrulega svo ótrúlega important, heheheheh, right!

Í hádeginu í dag fórum við Helgi á American Style með nokkrum úr gamla SH-hópnum mínum. Við vorum svo ótrúlega mikið saman alltaf hérna í gamla daga en í dag búa svo margir erlendis og svo bara alltaf nóg að gera hjá öllum þannig að við hittumst ekki svo oft. En aldrei finnur maður fyrir því þótt við hittumst sum ekki nema kannski 1-2 á ári.. Ég held bara að við vorum búin að byggja upp svo góðan vinskap hér áður þannig að hann mun ekki glatast þótt við hittumst ekki eins oft. En það má nú samt alltaf bæta úr því og reyna að skipuleggja oftar svona hitting. Einnig ættum við nú að fara oftar til útlanda sem erum hér heima og heimsækja þau úti. Ég stefni allavega á að gera meira af því í framtíðinni

En jæja, læt þetta duga í bili,
knús, knús til ykkar allra..

 

Takk fyrir allar kveðjurnar, elskurnar mínar, alltaf gaman að fá komment á síðuna

 

Annars er mest lítið að frétta af mér. Ég er að reyna að komast á fullt aftur í ritgerðarvinnu og það gengur hægt en þetta kemur allt saman. Af Helga er allt fínt að frétta, hann stendur sig alltaf voða vel í vinnunni og hefur alveg óendanlega gaman af því. Samstarfsfólk hans er alveg yndislegt og það besta er að hann er að vinna við hlið Magga. En Helgi og Maggi hafa verið nánast óaðskiljanlegir frá því þeir hófu nám í efnaverkfræðinni í Háskólanum og auðvitað gátu þeir ekki annað en farið að vinna saman. En þeir eru svo ótrúlega góðir í samstarfi að þeir í vinnunni eru bara heppnir að fá þá báða til sín, eða það finnst mér allavega J Og ég er alveg hlutlaus til að dæma um það, hehehe.

Ég verð að segja að mér finnst dagarnir líða alveg ótrúlega hratt, allt í einu poppaði sumarið upp, vonum bara að það haldi áfram að vera svona hlýtt og helst bara hlýrra (maður má nú alltaf vona) En með þessum hlýindum fylgir ávallt einhver leiðindi og að mínu mati eru það STÓRU býflugurnar og svo auðvitað geitungarnir. En ég hef nú aðallega rekist á þessar STÓRU flugur og ekki bara utandyra heldur líka inni, í íbúðinni okkar. Einn morguninn þá vöknuðum við Helgi klukkan sjö eins og venjulega og fórum á fætur, þegar ég nálgaðist eldhúsið þá heyrði ég eitthvað smá suð.... zzzzzzzz.... mjög skemmtilegt. Mér og Helga til mikillar gleði þá blöstu við ekki ein, ekki tvær, heldur þrjár STÓRAR býflugur í eldhúsglugganum. Þótt ég viti að þær geri nú ekki neitt nema maður ergi þær verulega þá vildi ég nú samt ekki hafa þær suðandi þarna í glugganum allan daginn. Þannig að Helgi hetja kom með handklæði og náði þeim öllum.. my hero J J  En síðan þá hef ég þurft að glíma nokkrum sinnum við flugurnar ein þar sem Helgi var þá farinn í vinnuna, en ég hafði það af!! En þessir litlu skrattar, STÓRU býflugurnar, eru alveg að gera mig geðveika.

En já, laugardaginn, 6.maí (afmæli Davíðs, til hamingju aftur) héldum við árshátíð D-bekkjar, sem er Kennó-bekkurinn minn. Ég og Jóhanna vorum í skipulagsnefnd og skipulögðum þessa þrususkemmtilegu árshátíð með bleiku þema og alles. Við fórum í línudans sem var alveg þvílíkt stuð, skelltum okkur í Salalaugina og létum sólína skína aðeins á okkur, borðuðum frábæran mat frá Vegamótum, fórum í partýleiki, drukkum bleika kokteila og skemmtum okkur bara alveg konunglega, enda ekki annað hægt með svona yndislegum hópi. Eitt verkefnið sem við létum stelpurnar gera var að nefna öll börn sem hafa fæðst í D-bekknum frá því við byrjuðum í Kennó og setja þau í tímaröð.. Stelpurnar tóku þessu verkefni vel og byrjuðu á fullu að finna réttu lausnina!! En annars er þessi bekkur búinn að vera mjög duglegur í barneignum og það hafa fæðst 15 börn í þennan hóp frá því um haustið 2000 og 2 börn á leiðinni sem við vitum af J Og ég hef ekki einu sinni byrjað, hehehe, greinilega ekkert að standa mig í þessu!!!

Um þessa helgi fór ég út á land með tilvonandi tengdamóður minni og saumaklúbb hennar. Ein skvísan í hópnum á lítinn bóndabæ sem heitir Skrapatunga og hann er alveg yndislegur. Við lögðum af stað 5 skvísur seinni part föstudags og síðan komu tvær í viðbót á laugardaginn. Þetta var alveg frábær helgi, nokkrar komu með heila tösku af ýmsum kremum og fleiru til að lappa aðeins upp á útlitið og við eyddum því nánast öllu föstudagskvöldinu í svokallað spa og afslöppun, þvílíkt nice. Á laugardaginn var svo farið í sund og kaupfélagið á Blöndósi og auðvitað var verslað þar eins og maður gerir alltaf í þessum krúttulegu kaupfélögum úti á landi. Síðan lærðum við línudans, samblöndu af magadansi og riverdansi, sungum, dönsuðum, borðuðum MIKIÐ af GÓÐUM mat, drukkum og skemmtum okkur ótrúlega vel. Ég skemmti mér allavega rosa vel enda eru þessar skvísur í saumaklúbbnum alveg ótrúlega hressar og fjörugar.

Núna er rétt rúm vika þar til við förum til Stokkhólms til að vera á útskriftarathöfn Helga. Ég hlakka mikið til að komast aftur til Stokkhólms, ekki bara af því að þetta er yndisleg borg heldur líka til að hitta alla vini okkar þar. Það er nú ekki hægt að segja annað en að við söknum þeirra, hressu krakkana í Stokkhólmi J

En jæja, þetta er orðið ansi löng færsla en það verður bara að hafa það, ég skrifa nú svo sjaldan...ehehehe

Knús, knús til ykkar allra...

Jæja, þá er best að fara að skrifa eitthvað hérna inn.. það má nú ekki líða mánuður á milli.. hmm.. Það er mikið búið að gerast á þessum tæpa mánuði og það sem stendur upp úr er þrennt.

1. Trúlofun. Við Helgi trúlofuðum okkur á 3ja ára afmælinu okkar. Hann var búinn að plana þetta allt saman og ég vissi ekki neitt, algjör auli. Hann m.a.s. lét gera hringana fyrir sig úti í Tælandi og mín fattaði ekkert þegar skartgripasmiðurinn vildi tékka á hringastærð minni á baugfingri þegar ég ætlaði að kaupa mér sjálf hring á löngutöng. Jebb, mín er alltaf jafn bright og áttaði mig ekkert á þessu og trúði öllu sem maðurinn sagði, en hann laug því að það væri oft gott að taka mál á baugfingri líka til þess að mæla út hringstærð fyrir löngutöng.. ótrúlega góður!! En allavega, þá áttum við Helgi 3ja ára afmæli 12. apríl og hann bauð mér út að borða á Fjöruborðið og skellti sér síðan bara á skeljarnar eftir matinn. Hann kann þetta strákurinn

2. Vinna. Ég sótti um vinnu hjá Hraunvallaskóla í Hafnarfirði og fékk stöðu þar sem kennari á yngsta stiginu. Ég heillaðist mjög af stefnu skólans og öðrum verkefnum sem eru þar í gangi og mér líst einnig vel á þá kennara og starfsfólk sem ég hitti. Ég er mjög ánægð með þessa vinnu og hlakka mikið til að byrja þar. Þessi skóli er nýr, fyrsta skólaárinu er að ljúka núna en þau hafa verið til húsa í skúrum rétt fyrir utan Ásvelli í Hafnarfirði. Stefnt er að því að ljúka við einn hluta af byggingu skólans núna í haust þannig að ég fæ vonandi að kenna í glænýjum skóla þegar ég byrja. Ekki er það nú verra

3. Íbúð. Við Helgi búum núna í Kópavoginum og erum að leigja hjá frænda Helga. Við verðum reyndar hérna í einungis 6 mánuði en við fáum allavega góðan tíma til að leita að öðru húsnæði, hvort sem það verður kaup eða áframhaldandi leiga, það á allt eftir að koma betur í ljós. En eins og er þá höfum við okkar eigin íbúð og erum hæst ánægð með það

Jæja, ég læt þetta nægja í bili, best að skrifa ekkert of mikið því þá líður annar mánuður þar til ég skrifa næst.. nei, nei, ég ætla að reynda að vera duglegri að skrifa núna.. kannski 1x í viku jafnvel, tja, best að lofa engu.. En ég segi þá bara bless í bili, og knús knús til ykkar allra sem lesið..

Já, mín á bara afmæli í dag... orðin 28 ára gömul, púff, mér finnst það bara ótrúlegt!! En annars er allt ágætt að frétta af mér, er enn að jafna mig á þessu öllu saman sem hefur gengið á síðastliðnar vikur. En við mæðgurnar stöndum okkur bara alveg ágætlega svona miðað við..

Ég er nú lítið sem ekkert búin að vera að læra en það er allt að koma núna. Ég hef ákveðið að fresta ritgerðinni minni fram á haustið og ætla mér að klára hana í sumar eða áður en ég fer að vinna. Ég er svona að vinna í því að sækja um vinnu fyrir næsta skólaár en hef ekki sótt um ennþá en ég ætla að fara á fullt með það í næstu viku. Skólarnir fara nú víst að ráða í lausar stöður og þar sem ég er með sérkröfur um að kenna á yngsta stiginu þá verð ég að fara að drífa mig í þessu.

En jæja, ég ætla nú ekki að hafa þetta langt, langaði bara að deila því með ykkur að nú eru einungis 2 ár í það að mín verði þrítug... Vá, það er ótrúlegt! Ég er nú ekki sú eina sem á afmæli í dag, Eva Dís, Doddi, Jürgen og Scott (litli "bróðir" í USA) eiga einnig afmæli í dag... Til hamingju með daginn öllsömul

bless í bili,
knús, knús..